حوار لطيف بين زوج وزوجته

السلام عليكم : حوار لطيف بين زوج و زوجته

هو:

حبيبتي أنا حأطلب بيتزا ، عايزة حاجة ؟

هي:

لا يا حبيبي

هو :

اوكي

هي:

ولا اقولك ..؟

هو:

ها ، أطلب لك كمان ؟

هي:

مش عارفة

هو :

مش عارفة اذا كنتي عايزة ؟

هي:

لا

هو:

انتي جعانة ؟

هي:

يعني

هو :

يعني إيه يعني...؟

هي:

يعني مش متأكدة اذا كنت جعانة ولا لأ.

هو:

الواحد لما بيكون جعان بيعرف

هي :

لأ بس يمكن اجوع بعدين

هو:

يعني اطلب لك بيتزا؟

هي:

طيب واذا ما كنتش جعانة وقتها..؟

هو :

ما تاكليش

هي :

بس ده كدة يبقى تبذير

هو:

خلاص ، تبقي تاكليها بكرة

هي:

و اذا ما كانش لي نفس آكل بيتزا بكرة؟

هو :

مش محتاجة نفس ، الواحد عادي ممكن ياكل بيتزا كل يوم

هي:

انا لا .. أنا مش باكل بيتزا الا لما يكون عندي نفس للبيتزا

هو:

طيب بلاش ، أطلب لك حاجة تانية؟

هي:

بس أنا مش عايزة حاجة تانية

هو:

يعني عايزة بيتزا؟

هي :

لا

هو:

يعني مش عايزة حاجة؟

هي:

لأ برضه

هو :

جننتيني ، طب أعمل إيه؟

هي:

اطلب انت لنفسك

هو:

الحمد لله ، اخيرا .. ماشي ..

هي :

بس اطلب بيتزا بالتونة

هو:

نعم ؟ انا مش بحب البيتزا التونة

هي:

بس انا بحبها

هو:

وانتي مالك ؟ هو انا حاطلب ليا ولا ليكي

هي:

ليك طبعا

هو:

طيب أطلبها ليه بأة بالتونة...؟

هي:

يمكن اجوع لما يوصل الاكل

هو :

وبعدين؟

هي:

يا سلام ، يعني تفتكر آكل حاجة مش عاجباني؟

هو:

ليه هو انتي – أصلاً - عايزة تاكلي؟

هي :

ليه لأ ؟

هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟

هي:

بالضبط

هو:

وأنا بلاش آكل؟

هي:
يمكن وقتها أكون مش جعانة

----------------------------

الراجل يا عينى جتله نوبه قلبية و اتشل شلل كلى وبعديها بدقيقة طب سا كت

مشكووووووووووووووووووووور ة سمسمه
بارك الله فيكي

تسلم ايدك يا سمسمه

ميرسى على الردود

مشكووووووووووووووره يا سمسمه
هيه دى الستات والا بلاش
فعلا ان كيدهن عظيم
سمووووووووووووووره

ميرسى على ردك ياسمورة
فعلا ان كيدهن عظيم
بس بصراحة ياطول باله عارفة انا لو مكانه كنت اكلتها بس مش بيتزا كنت اكلتها علقة باجمد عصاية فى البيت كله علشان تحترم نفسها وتبطل برود لان انا اتضايقت بصراحة ما بالك هو بقى

smsma كتب:: ميرسى على ردك ياسمورة
فعلا ان كيدهن عظيم
بس بصراحة ياطول باله عارفة انا لو مكانه كنت اكلتها بس مش بيتزا كنت اكلتها علقة باجمد عصاية فى البيت كله علشان تحترم نفسها وتبطل برود لان انا اتضايقت بصراحة ما بالك هو بقى

يا ستى الله يصبره وبلاش فضايح انتم شردتم الستات خالص
هههههههههههههههههه