غريب يا طير

بياخدنى معاكى الخريف الجديد
لنفس المكان اللى كان
بيحضن هوانا بعيد
طيور بتنادى لطيور
وقلوب بتدق وتدوب
فى لمسة إيد وتنهيد

غريب يا طير ومتغرّب
بتبعد والا بتقرّب
شطوط الحب من شوقها
بتنده تانى وتعيد

حبيبتى انا وانتى مكتوبنا
تعيش الذكرى ف قلوبنا
ومهما بعدنا تندهنا
ويكبر شوقنا ويزيد

يا صيف أحلامنا ويّاك
ح نرجع مش ح ننساك
ونسهر وانت تالتنا
وتفضل بينّا مواعيد

شعر : قدرى نوار
17/12/2007
__________________[center]

شكرا اسكندرانى وفى انتظار المزيد من الابداع

اللـــــــــــــــــــــــــــــــــــــــــــه ايه الكلام الرائع ده بس ياعم
انا مش عارفة اقولك ايه
فكرتنى بالذى مضى
ميرسى يادكتور على الكلام الحلو ده ومستنيين الجديد والاروع منك

غريب يا طير ومتغرّب
بتبعد والا بتقرّب
شطوط الحب من شوقها
بتنده تانى وتعيد


كلام جميل جدا وتسلم ايديك وتنظر منك الجديد وربنا يوفقك