امتحان السفارة المصرية للحصول على الجنسية

صباح الفل حبايبي الأعزاء

يشترط لدخول الامتحان ان المتقدم يكون معاه كل أدواته اللازمة :

قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)

في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)

السؤال الأول:اختار من بين الأقواس الكلام الصح

1- حنان ترك اتحجبت يعني........... (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى مصر كان في الأصل......( حلاق - نجار - تاجر مخدرات - صلاح - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر )

- بص في ورقتك يا حيواااان!

5 - مصر هى أمي نيلها جوا...........(عبي - بطني - رجلي - جيبي - دمي )

6- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق )

السؤال الثاني:أكمل الجمل الآتية بكلام م الآخر

1- انتبه من فضلك السيارة ترجع إلى............ ......... ...

2- ماما زمنها............ ......

امتحان السفارة المصرية للحصول على الجنسية 19

- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق )

ممكن وسيلة مساعدة لانى بصراحة مش من هنا و مش واخدة بالى؟؟؟؟؟
وبعدين السؤال صعب جدا

سمسمه انتى مصعبه الأمتحان خالص